ដោយសារតែសេដ្ឋកិច្ចកម្ពុជាដែលមានកំណើនកើនឡើងទាំងក្នុងអំឡុង និងក្រោយពេលមានជំងឺឆ្លងរាតត្បាតយើងចង់នាំមកជូនលោកអ្នកនូវបទពិសោធន៍ថ្មីៗក្នុងវិស័យម្ហូបអាហារ និងភេសជ្ជៈនៅក្នុងព្រះរាជាណាចក្រកម្ពុជា។​

បង្កើតឡើងក្នុងឆ្នាំ​ 2021 ក្រុមហ៊ុន​​​រីករាយ គឺជាក្រុមហ៊ុនដែលមានជំនាញក្នុងការបង្កើតម៉ាកយីហោក្នុងស្រុក ដែលមានការទទួលស្គាល់ និងការគាំទ្រពីសំណាក់អតិថិជនជាច្រើន រួមមានម៉ាកយីហោ KARE (ភោជនីយដ្ឋានសាច់អាំងបែបជប៉ុន)​ PAO PAO (ភោជនីយដ្ឋានស៊ុបឆ្នាំងភ្លើងបែបចិន) Mi Dot (មីដុត)  និង MOOD (បារបែបសហគមន៍ ដែលនឹងបើកសម្ភោធឆាប់ៗនេះ)។​ 

ពួកយើងមានមោទនភាពណាស់ក្នុងការបង្កើត​ និងនាំមកជូននូវបទពិសោធន៍ម្ហូបអាហារថ្មី ហើយប្លែក ដែលស័ក្តិសមជាមួយចំណង់ចំណូលចិត្តបងប្អូនខ្មែរយើង។ ដោយឃើញថា​ ភោជនីយដ្ឋានរបស់យើងបានទទួលបានការគាំទ្រយ៉ាងខ្លាំងពីសំណាក់អតិថិជនជាច្រើន ពួកយើងកាន់តែមានកំលាំងចិត្តក្នុងការខិតខំប្រឹងប្រែងនាំមកជូននូវផ្នត់គំនិតថ្មីៗ និង បទពិសោធន៍ទទួលទានអាហារប្លែកៗជាងនេះទៅទៀត​ សម្រាប់បងប្អូនទាំងអស់គ្នា។​ 

សូមអញ្ជើញ like និង follow បណ្តាញសង្គមពួកយើងដើម្បីទទួលបានព័ត៌មានបន្ថែម។

គុណតម្លៃនៃក្រុមហ៊ុនរីករាយ គឺស្ថិតនៅក្នុងការប្តេជ្ញានាំមកជូននូវភាពសប្បាយរីករាយជូនលោកអ្នកទាំងអស់គ្នា ប្រៀបដូចឈ្មោះតំណាងរបស់ក្រុមហ៊ុនយើងតែម្តង។​

ភាពសប្បាយរីករាយអាចកើតមានឡើងតាមរយ: ទំនាក់ទំនងល្អជាមួយមិត្តភក្តិ ឬ​អារម្មណ៍ដែលយើងទទួលបាននៅពេលដែលភាពប្រឹងប្រែងរបស់យើងទៅលើការងារណាមួួយ ចាប់ផ្តើមទទួលសមិទ្ធផល ឬការរកឃើញក្តីសង្ឃឹមមកវិញបន្ទាប់ពីពេលដែលយើងបាត់បង់វា។ ចំពោះក្រុមហ៊ុនរីករាយវិញ ក្តីសង្ឃឹមរបស់យើងគឺការនាំមកជូននូវភាពសប្បាយរីករាយ​​ តាមរយ:ម្ហូបអាហាររឆ្ងាញ់ៗ និងបទពិសោធន៍ទទួលទានអាហារថ្មីៗ ទំនើបហើយប្លែកដែលពុំដែលមានពីមុនមក។​ យើងសង្ឃឹមថា លោកអ្នកនឹងបរិភោគដោយរីករាយ។​